20 kilometrat e parë të Autostradës “Arbën Xhaferi”, tashmë janë të gatshme të lëshohen në qarkullim.
Ministria e Infrastrukturës do të organizojë ceremoninë e hapjes së nyjeve lidhëse Konjuh dhe Babush të Autostradës “Arbën Xhaferi”.
Kryeministri i Kosovës, Isa Mustafa ka qenë sot pjesëmarrës në ceremoninë inauguruese të 20 km të para të autostradës Arbën Xhaferi.
Ai në një postim në rrjetin social Facebook e ka quajtur këtë përurim, vepër të madhe në natën e Vitit të Ri 2017.
Lexoni postimin e plotë të Mustafës:
Sot inauguruam 20 kilometrat e para të Autostradës Arbër Xhaferi. Është ky drejtimi rrugor 6 në kuadër të rrjetit të transportit të Evropës Juglindore e cila lidh korridoret 8 dhe 10 në Maqedoni me Prishtinën, duke i integruar qytetet e rajonit dhe qendrat ekonomike në rrjetin rajonal të transportit.
Autostradat e Kosovës janë konkurruese edhe me ato të vendeve të Bashkimit Evropian, janë vepra të qytetarëve të Kosovës, të financuara nga buxheti i tyre. Autostradat tona, si edhe kjo sot po e zbukurojnë tokën e mrekullueshme të Kosovës!
Urime për këtë vepër të madhe në këtë Natë të Vitit të Ri 2017!
