Në pjesën veriore të Mitrovicës sot në mëngjes në një apartament në rrugën “Lola Ribar” është gjetur trupi i pajetë i një 32-vjeçari me iniciale  I.C.

I ndjeri raportohet se ishte student në Universitetin e Prishtinës me seli të përkohshme në Mitrovicë, përcjell lajmi.net.

Shefi rajonal i Policisë së Kosovës, Zhelko Bojiq i tha Tanjugut se trupi i pajetë i një të riu është gjetur në banesë dhe se rastin për Policinë e Kosovës e ka njoftuar një shoku i viktimës.

“Shkaku i saktë i vdekjes së 32-vjeçarit  ende nuk dihet. Trupi do të transferohet në Prishtinë për t’u kryer autopsia”, tha Bojiq./Lajmi.net/