Antonio Conte ende është në kërkim të një qendërmbrojtësi, pasi nuk beson më të Branislav Ivanovic dhe John Terry
Trajneri i Chelseat, Antonio Conte dëshiron të përforcohet me një mbrojtës të qendrës, pasi tashmë atë detyrë në skuadrën e tij po e kryen mbrojtësi i djathtë, Cesar Azpilicueta.
Sipas Calciomercato, paratë e fituara nga shitja e Oscar, Conte dëshiron t’i shpenzojë në transferimin e një qendërmbrojtësi të Serie A.
Dëshira e parë e tij është Leonardo Bonucci, por lojtari ka nënshkruar kontratë të re me Juventusin dhe nuk do të largohet nga Torino.
Mundësia më e mirë për Conten është Kostas Manolas i Romas, ashtu sikurse edhe mbrojtësi i Milanit, Alessio Romagnoli.
Në listën e trajnerit italian janë edhe Koulibaly i Napolit dhe De Vrij i Lazios. /Express/
