Buxheti për vitin 2017 adreson prioritet zhvillimore në bazë të strategjive që i kemi në fuqi, ka deklaruar ministri i Financave Avdullah Hoti

Hoti ka deklaruar para deputetëve në Kuvend ku po mbahet seanca, se buxheti është bërë në pajtueshmëri të plotë me FMN-ën.

Ai ka thënë se parashikimet e Qeverisë janë që në vitin e ardhshëm të kemi një rritje ekonomike 4.4 për qind.

“Te hyrat e rregullta janë planifikua prej mbi 1.7 miliard të hyra. Te hyrat tjera jo tatimore mbesin përafërsisht të njëjta”, është shprehur Hoti.

Ai ka bërë të ditur edhe detaje tjera kur tha se shpenzimet parashihen të jenë mbi 2 miliardë euro, ndërkaq sipas tij ky Buxhet mundëson implementimin e Ligjit për Sigurimet Shëndetësore, skemen pensionale, pagesat për veteranët dhe kategoritë tjera, pagesën e përvojës së punës për punëtorët e shërbimeve publike, agjendën evropiane dhe investime në arsim, por duke përfshirë edhe ndërtimin e stadiumit kombëtar, infrastrukturë në shëndetësi etj. /Lajmi.net/