“Rojat e Urës”, kështu janë quajtur grupi famëkeq të cilët kanë qëndruar natë e ditë në ruajtjen e Urës së lumit Ibër në Mitrovicë, qysh nga viti 1999.

Burime të Telegrafit bëjnë të ditur se grupi famëkeq ‘Rojat e Urës’, pritet të ri-funksionalizohet ditën kur edhe do të përfundoj Revitalizimi i Urës së Ibrit, më 20 janar, 2017.

Në krye të ‘Rojave të Urës”, sipas burimeve të Telegrafit  është caktuar krimineli serb Sllavoljub Joviq, i njohur me nofkën ‘Pagi’.

Këto vendime nga strukturat paralele që veprojnë në veri të Kosovës, janë marrë në një takim të fshehur me urdhër të Qeverisë së Beogradit, në Mitrovicën Veriore.

“Rojat e urës” janë tërhequr diku në vitin 2014 me largimin e barrikadës mbi urën e lumit Ibër. Ndërkaq, në Marrëveshjen e Brukselit e nënshkruar më 25 gusht nga pala kosovare dhe ajo serbe, është paraparë që Revitalizimi i Urës së Ibrit do të përfundojë më 20 janar të vitit 2017. /Telegrafi/