Sipas Policisë së Kosovës, rasti është raportuar me datën 14.12.2016 rreth orës 14:00, nga ana e viktimës i cili i ka deklaruar se me personat e dyshuar, kanë qenë duke bërë një marrëveshje për shitblerje automjetesh, mirëpo të dyshuarit duke mashtruar viktimën me automjetin e viktimës janë larguar në drejtim të qytetit të Vushtrrisë.
“Ka qenë organizimi i mirë i punës në mes stacionit policor qendra dhe stacionit të Vushtrrisë që ka rezultuar me arrestimin e dy personave të dyshuar: R. M, mashkull, 55 vjeç, shtetas i Republikës së Kosovës dhe A. M, mashkull, 22 vjeç, shtetas i Republikës së Kosovës”, ka bërë të ditur Policia e Kosovës.
Gjithashtu hetuesit kanë arritur që të gjejnë automjetin me të cilin janë larguar personat e dyshuar, dhe të njëjtin i kanë kthyer palës ankuese.
Personat e dyshuar po mbahen në qendrën e paraburgimit në Prishtinë, dhe pritet që të dërgohen në gjykatën kompetente pas përfundimit të veprimeve të nevojshme hetimore dhe procedurale, që do të ndërmerren nga ana e hetuesve, për sqarimin dhe zbardhjen e plotë të motiveve dhe rrethanave të ngjarjes.
