Ish sulmuesi i Arsenalit, Thierry Henry ka lavdëruar sulmuesin e Chelseat, Diego Costa, i cili po kalon momente të jashtëzakonshme këtë edicion, e për të cilin tha se është më i miri në Premierligë.

Costa në shumë ndeshje këtë edicion ka qenë vendimtar për Chelsean, ashtu sikurse edhe në ndeshjen e fundit kundër WBA, ku shënoi golin e vetëm dhe të fitores.

“Kur ju keni një lojtar si Diego Costa, atëherë gjithçka mund të ndodh. Për mua, ai momentalisht është lojtari më i mirë në ligë”, tha Henry për Sky Sports News.

Costa pas 15 xhirosh në Premierligë i prin listës së golashënuesve me 12 gola. /Express/