Kapiteni i Real Madridit, Sergio Ramos edhe një herë tjetër ishte vendimtar për skuadrën e tij, kësaj radhe kundër Barcelonës në Camp Nou.

Ramos shpëtoi Realin nga humbja në Camp Nou, pasi shënoi golin e barazimit në minutën e 91’të, apo vetëm dy minuta pa përfunduar ndeshja.

Por, kjo nuk ishte hera e parë që Ramos shpëton, Reali, pasi më herët kishte ndodhur edhe në katër raste të tjera, ku Reali ka fituar katër tituj.

Fillimisht në finale të Ligës së Kampionëve kundër Atletico Madridit në vitin 2014, ku shënoi golin e barazimit 1:1 në minutën e 93, për të shkuar më pas në vazhdime de për të fituar 4:1 në fund.

Më pas shënoi edhe në finale të Kupës  së Botës po atë vit, ku Reali u bë kampion.

Kjo nuk ishte e gjitha, pasi Ramos shënoi sërish golin e parë dhe të vetëm kundër Atletico Madridit në finalen e Ligës së Kampionëve këtë edicion, ku në fund Reali fitoi me penallti.

Rasti i fundit ishte Superkupa e Evropës në gusht të këtij viti, ku Ramos në kohën shtesë shënoi golin e dytë 2:2 dhe shpëtoi Realin nga humbja, për të fituar më pas në kohën shtesë. Express/