Trajneri i Interit, Stefano Pioli, është shprehur tejet i lumtur me fitoren prej 4:2 ndaj Fiorentinës. Pioli ka folur gjithashtu edhe për pronarët e rinj të klubit, të cilët i ka lavdëruar për përkushtimin e tyre.

“Zhang Jindong më ka lënë një përshtypje të shkëlqyeshme. Shoh gatishmëri dhe dëshirë për ta kthyer Interin në krye”, tha Pioli.
“Kam parë shumë gjëra pozitive dhe shumë tjera rreth të cilave duhet të punojmë. Besoj që skuadra ka cilësitë për të luajtur një lloj të qartë të futbollit”, shtoi ai.

“Ideja është të fitojmë të gjitha ndeshjet, duhet të mendojmë menjëherë për ndeshjen e radhës, kundër një tjetër kundërshtari që është përpara në klasifikim, për të cilin duhet të jemi të përqendruar”, përfundoi Pioli. /Express/