Një aksident trafiku me fatalitet është raportuar në orët e mbrëmjes së djeshme rreth orës 19:00 të datës 24 nëntor 2016.
Aksidenti ka ndodhur në rrugën rajonale Mitrovicë – Skenderaj, përkatësisht në segmentin rrugor në fshatin ’’Polac’’, ku si pasojë e aksidentit lëndime pësojnë shtatë persona të cilët pas ndihmës së parë të marrë në QKMF Skenderaj, janë dërguar për në QKU.
Ndërsa në orën 22:00 të datës 24 nëntor 2016, nga QKU- Prishtinë, jemi njoftuar se një nga të aksidentuarit fëmija i gjinisë (m) i moshës dy vjeçar, kishte ndërruar jetë.
Ndaj të dyshuarit shkaktarit të aksidentit B. K. 32 vjeçar është caktuar masa e ndalimit policor.
