Ky projektligj parasheh që të ndryshohen disa projektligje dhe disa të tjera të hiqen nga ky vit.

Hajredin Kuçi ka propozuar që projektligji për pagat të mos hiqet nga plani për këtë vit. Ai ka kërkuar nga ministri Jagxhillar që për javën e ardhshme të jetë i gatshëm ky projektligj.

Ky propozim është përkrahur edhe nga kryeministri Mustafa.

Po ashtu Qeveria ka miratuar edhe Shqyrtimin e Projektligjit  për Legalizimin e Armëve dhe Dorëzimin e Armëve të Vogla dhe të Lehta, Municionit dhe Mjeteve Eksplozive.

Për këtë projektligj zv.kryeministri Hajredin Kuçi tha se duhet që të autorizohet MPB që persona që dorëzojnë armët vullnetarisht, të amnistohen, raporton lajmi.net

Në mbledhjen e qeverisë është marr vendimi që Agjencia Shtetërore e Arkivave të Kosovës të bartet nga Zyra e Kryeministrit  në Ministrinë e Kulturës. Kryeministri Isa Mustafa ka thënë se ky vendim është marr pas konsultimeve të gjata pasi kanë konsideruar se kjo Agjenci më shumë është në kompetencë të Ministrisë së Kulturës se  sa e Zyrës së Kryeministrit.

Qeveria po ashtu ka marr vendim përfundimtar  për shpronësimin e pronës shoqërore në emer të Shoqatës se Vllaznim Bashkimit e cila do t’i jepet Fondit të Kursimeve Pensionale.

Po ashtu është miratuar propozim vendimi për themelimin e grupit për Rishikimin Funksional për Sektorin e Sundimit të Ligjit.

Ministrja e drejtësisë Dhurata Hoxha tha se ky propozim parasheh rishikimin e infrastrukturës ligjore, rritjen e efektivitetit të institucioneve të ligjit.

Do të udhëhhiqet nga Ministria e Drejtësisë dhe institucionet e tjera të sundimit të ligjit.

Valon Murtezaj zëvendës i MPJ-së, tha se takimi i parë i Këshillit të Stabilizim Asocimit do të mbahet këtë javë në Bruksel mes BE dhe Kosovës. “Qeveria e Kosovës thekson bindshëm se e ardhmja e popullit të Kosovës është në BE. Jemi të përkushtuar në reformat dhe e dimë se janë të vështira.

Takimi do të jetë i nivelit më ta lartë ku do të flitet për raportet nëse BE dhe KS zbatimi i MSA-së,  të arriturat e Kosovës”, tha Murtezaj.