Policia e Kosovës ka bërë të ditur për Gazetën Insajderi se pas rastit të vjedhjes në shtëpinë e kryeprokurorit të shtetit, Aleksandër Lumezi, ka ndërmarrë veprime, duke suspenduar një zyrtar policor dhe mbikëqyrësin e Lumezit.

“Lidhur me rastin në fjalë, Policia e Kosovës menjëherë i ka ndërmarrë të gjitha masat e nevojshme policore për të hetuar rastin. Po ashtu, PK ndaj një zyrtari policor të divizionit të sigurimit dhe ndaj mbikëqyrësit të tij ka marrë masa të suspendimit për 48 orë, për të vazhduar me procedurat e mëtutjeshme policore”, ka thënë zëdhënësi i policisë, Baki Kelani.