Lindi në Utrecht me emrin Marcel Van Basten por ia ndryshuan shpejt në Marco, dhe me me këtë në vitet që pasuan, u kthye në një ikonë të futbollit të bukur dhe pasionant.

Sulmuesi legjendar i Ajaxit dhe Milanit, që koleksionon jo pak por 2018 gola me këto klube ikonë të futbollit evropian, tashmë ka një rol të ri në pasionin e vjetër.

Marko Van Basten ka nisur të punojë me FIFA-n dhe presidentin e ri Gianni Infantino. Në bazë të projektit të ri të legjendës portokalli është futbolli i ndershëm dhe i bukur, transmeton t.ch.

“Ne po punojmë që këtë sport ta bëjmë edhe më të ndershëm, të drejtë për të gjithë dhe spektakolar. Më pëlqen futbolli i lojtarëve që bëjnë diferencën por duhen rregulla, drejtësi dhe ‘fair play’. Nuk dua që të shoh ekipe që në 15 minutat e fundit luajnë vetëm për të humbur kohën kot. Dua futbollin argëtues por sot është bërë shumë e vështirë pasi ka agresivitet dhe shpejtësi”, tha Marco Van Basten, tashmë shef i zhvillimit teknik në FIFA.