Kryetari i Komunës së Lipjanit Imri Ahmeti, gjatë ditës sotme ka takuar qytetarët e komunitetit Rom, Ashkali dhe Egjiptian, ai ka ndëgjuar për së afërmi hallet dhe preukopimet e tyre.
Në këtë rast Kryetari Ahmeti, duke ndëgjuar kërkesat e këtij komuniteti, ka theksuar se Komuna e Lipjanit, ka realizuar projekte të shumta në Gadime dhe asnjëherë nuk ka bërë dallime në mes komuniteteve prandaj të gjitha projektet që janë investuar në këtë fshat janë të përbashkëta dhe përfitues janë të gjithë banorët e Gadimes, njofton Komuna.
I pari Komunës së Lipjanit, Imri Ahmeti gjatë bashkëbisedimit me banorët e këtij Komuniteti i është përgjigjur të gjitha pyetjeve të parashtruara dhe ka siguruar ata se gjithëherë do të përkushtohet në krijimin e lehtësirave në mirëqenien e tyre. Në të njejtën kohë kreu lipjanas ka falenderuar edhe Organizatën Voice of Roma, Ashkali dhe Egjiptian “VoRAE” për organizimin e këtij takimi.