Nga tri ndeshjet e javës së 6-të të Ligës së Parë të cilat u zhvilluan të dielën, vëmendje ka zgjuar fitorja e futbollistëve të KEK-ut, në duel me Kosovën e Prishtinës, me rezultat 1:0.

Kjo fitore ka dëshmuar se “elektricistët” janë zgjuar pas fillimit jo aq të mirë dhe tani u janë bashkuar skuadrave nga kreu i tabelës. Ashtu siç pritej, Fushë Kosova nuk ka lejuar befasi, duke e mposhtur Ulpianën me rezultat 3:1.

Humbja dëshmon se lipjanasit janë në krizë të madhe jo vetëm të lojës, por edhe rezultateve. Fitoren më të thellë në këtë javë e ka shënuar Rahovci, i cili në fushë të vet e ka dërrmuar skuadrën e Dukagjinit, duke shënuar fitore me rezultat 4:1.

Është kjo vetëm fitorja e dytë e rahovecasve, ndërkohë që Dukagjini nuk është as hija e edicionit të kaluar, kur ishte ndër skuadrat më të dalluara dhe kur synonte kthimin në Superligë.

Liga e Parë, java 6

Fushë Kosova – Ulpiana           3:1

Kosova – KEK-u         0:1

Rahoveci – Dukagjini    4:1

Liria – Gjilani    1:0

Deçani – Lepenci          2:1

Llapi – 2 Korriku          1:0

Ballkani – Ramiz Sadiku            1:0

Flamurtari – Vllaznia     1:0