Për dallim nga udhëheqësit e AAK-së, që paralajmëruan bojkot të zgjedhjeve të jashtëzakonshme, partneri tjetër i Bllokut, LDK-ja nuk e mendon këtë opsion.

Zyrtarë të partisë së Isa Mustafës kanë thënë se nuk do t’i bojkotonin zgjedhjet e jashtëzakonshme, nëse do të vinte te mbajtja e tyre.

Arban Abrashi, këshilltar i liderit të LDK-së Isa Mustafa, ka konfirmuar për RTK-në se brenda partive të Bllokut, është diskutuar edhe opsioni i bojkotimit të zgjedhjeve eventuale të jashtëzakonshme.

“Ky nuk është edhe qëndrimi i LDK-së”, ka thënë Abrashi. /Telegrafi/