Ish-selektori i Portugalisë, Paulo Bento, ka lavdëruar Cristiano Ronaldon. Por, ai theksoi se ylli i Real Madridit nuk shquhet për kualitetet e tij si kapiten.

Ronaldo ishte emëruar kapiten i Kombëtares së tij në korrik 2008 dhe e mbajti rolin edhe pasi Bento mori postin e selektorit të Portugalisë më 2010.

Por, Bento i cili u shkarkua nga posti pas humbjes nga Shqipëria në ndeshjen e parë kualifikuese për “Euro 2016” ka theksuar se Ronaldo nuk është aq i dobishëm me shiritin e kapitenit.

“Në dhjetë vitet e mia si trajner, Ronaldo është futbollisti më i mirë me të cilin kam punuar. Por, nëse më duhet të zgjedh një kapiten, do të vendosja Mourinhon për profesionalizmin dhe aftësitë e tij për të kuptuar idetë e trajnerit”, deklaroi Bento. /Zëri/