Wanda Nara, gruaja e Mauro Icardit, ka zbuluar se sulmuesi argjentinas nuk do të largohet nga Interi pavarësisht situatës së krijuar së fundit.

Mauro Icardit nuk do të largohet nga Interi pavarësisht situatës së krijuar së fundit. Këtë e ka konfirmuar bashkëshortja e sulmuesit argjentinas, Wanda Nara.

Madje, ish sulmuesi i Barcelonës dhe Sampdorias do të vazhdoj të mbetet kapiten i ekipit, përcjell gazeta Express.

“Ai nuk do largohet nga Interi, do të qëndrojë 100 për qind. Ai është dhe do të qëndrojë – kapitenin, i cili nuk ka qenë në dyshim asnjëherë”, ka deklaruar ajo.

“Ai kishte mundësi për të lënë Interin verën e kaluar, por zgjodhi të qëndrojë për shkak të marrëdhënies që ai ka me tifozët dhe për shkak se ai është i lidhur me Interin”, ka theksuar ajo. /Express/