Ka shumë mundësi që ISIS-i do të përdorë armë kimike në tentim për ta ndalur ofensivën e udhëhequr nga ushtria irakiane në qytetin Mosul, thonë zyrtarët amerikanë.

Forcat amerikane janë duke mbledhur pjesë të artilerisë që ky grup e përdorë, në mënyrë që t’i kontrollojnë ato për përmbajtje të materiale kimike, pasi që së fundmi është konfirmuar përmbajtja e sulfurit mustardë në municionet e zbuluara të ISIS-it më 5 tetor, kanë thënë ata për Reuters, transmeton Express.

Por, ata besojnë se deri më tani, ISIS ka dështuar të zhvillojë armë kimike me ndikime vdekjeprurëse, që do të thotë se kërcënimi më i madh ndaj forcave irakiane dhe kurde janë armët konvencionale./Express/