Interi do të tentojë të bëjë çmenduri në afatin kalimtar të verës

Sipas asaj që raporton “The Sun”, Interi do të tentojë që të afrojë gjatë verës sulmuesin e Barcelonës, Luis Suarez, përcjell Gazeta Express.

Suarez, i cili në janar mbush 30 vjet, ka shkëlqyer me fanellën e Barcelonës, i cili së bashku me Neymar e Messi kanë krijuar një treshe sulmuese të frikshme, që nga shumë analistë po cilësohet si më e mira në botë.

Suarez është fitues i “Këpucës së Artë” për edicionin që lamë pas, duke shënuar 40 gola në ligë dhe duke parë lidhshmërinë e tij me Messin e Neymar, vështirë se do të largohet nga “Camp Nou”.

Por, Suarez nuk është i vetmi lojtar që Interi e kërkon. Sipas “The Sun”, klubi italian ka shprehur interesim edhe për sulmuesin e Manchester City, Sergio Aguero dhe mesfushorin sulmues të Real Madridit, James Rodriguez. /Express/