Kapiteni i Liverpoolit, Jordan Henderson, ende nuk e ka harruar dhimbjen që i ka shkaktuar Jose Mourinho në sezonin 2013/14, duke ia shuar gjasat për titullin e kampionit, përcjell Gazeta Express.

Murinho shkoi në “Anfield” me sezonin e dështuar për ta dhe hyri në lojë, me pothuajse formacion të dytë, por u largua nga ai stadium me tre pikë – duke ia shuar gjasat Liverpoolit që të shpallej kampion pas shumë viteve pritje.

Të hënën mbrëma Liverpooli e Unitedi do të përballen sërish në “Anfield” dhe Handerson dëshiron hakmarrje.

“Kurrë nuk do ta harroj ndeshjen kundër Chelseas në “Anfield” kur humbëm dhe ne ishim afër titullit të kampionit. Ajo ndeshje pati shumë rëndësi për titull që në fund e dini të gjithë si përfundoi”, tha Henderson në konferencën për medie. /Express/