Real Madridi ka një arsye të fortë për ta përcjellë ndeshjen Sporting Lisboa – Borussia Dortmund, jo sepse i ka rival në grup të Ligës së Kampionëve – por duan të shikojnë paraqitjen e Gelson Martin që shkëlqeu në “Santiago Bernabeu”.

Real Madridi është duke monitoruar situatën e anësorit të Sporting Lisboas, Gelson Martin, raporton Correio da Manha, përcjell Gazeta Express.

Gjithnjë sipas Correio da Manha, “Los Blancos” kanë mbetur të habitur, me paraqitjen e 21 vjeçarit ndaj tyre në ndeshjen e parë në fazën e grupeve në Ligën e Kampionëve dhe duan ta transferojnë në “Bernabeu”.

Lojtari, i cili po monitorohet edhe nga Barcelona , Manchester United dhe Bayerni, aktualisht paguhet më së paku te Sportingu dhe mund të largohet gjatë verës. Klauzola e tij është 60 milionë euro. /Express/