Në këtë situatë në të cilin është Kosova tani e që është krizë e thellë politike janë vetëm dy zgjidhje për të mënjanuar shkuarjen në zgjedhje të reja të parakohshme.

Ose të intervenojnë ndërkombëtarët me autoritetin e tyre për të gjetur një zgjidhje, ose PDK të lëshoj pe pasi që është propozimi i dytë i tyre nuk kaloi në kuvend dhe kështu do të zhbllokohej kriza politike. Kështu ka thënë njohësi i çështjeve kushtetuese Riza Smaka për “Zërin”.

“Edhe interferimi i faktorit ndërkombëtarë në këtë proces do të justifikohej. U morë vesh në mënyrë të përshtatshme diplomatike për shtegdalje e ajo konsiston në tentativën nga Koalicioni Paszgjedhor për të propozuar kandidatin për kryetar të Kuvendit të Republikës së Kosovës.

Madje edhe me konsensusin e Koalicionit parazgjedhorë pasi që ai në dy orvatje për të zgjedhur kandidatin e tyre dështoi”, ka thënë Smaka.

Se a do të ndodh njëra apo tjetra do të shohim në ditët në vazhdim, mirëpo deklaratat e para të PDK-së nuk lënë vend për ndonjë situatë ku ata do të lëshonin pe. /Zeri