Komuna e Lipjanit ka lëshuar një komunikatë ku thuhet që : Kryetari i Komunës së Lipjanit, Imri Ahmeti, nuk e ka anuluar ekskursionin e maturantëve të shkollave të mesme të Komunës së Lipjanit, por ka kërkuar respektimin e procedurave ligjor, sipas udhëzimit administrativ.
Bazuar në udhëzimin administrativ nr 18/2014 të MASHT-it, neni 11 afati kohor për shpalljen e ofertave është një muaj nga dita e marrjes së pëlqimit, nga prindërit dhe DKA-ja.
Kryetari i Komunës premton se në bashkëpunim me DKA-në dhe drejtorët e shkollave do të realizojnë ekskursionin konformë rregullativës ligjore, dhe të njëjtën kohë do t’i subvencionojnë( ndihmojnë), një pjesë të nxënësve me kushte të vështira materiale.
Kryetari Imri Ahmeti, gjithashtu i fton maturantët që mos të bien pre e lojërave të matrapazëve politik e financiar, me qëllime të caktuara politike, sepse do të realizojnë vizitën sipas udhëzimeve administrative.
Lipjani News
