Ministri i Zhvillimit Ekonomik të Kosovës, Blerand Stavileci gjatë raportimit të projektligjit për Trepçën shprehu se Trepça do të shëndrohet në shoqëri aksionare. Ai njoftoi se Qeveria e Kosovës do të ketë 80 % të pronësisë së saj, ndërsa, 20 % -shi, do tu takojë punëtorëve, shkruan Gazeta Express.

Projektligji për Trepçën, ishte temë qendrore gjatë mbledhjes së sotme të Komisionit për Zhvillim Ekonomik, Infrastrukturë, Tregti dhe Industri, të kryesuar nga Muhamet Mustafa, kryetar i komisionit.

Në emër të Ministrisë së Zhvillimit Ekonomik (MZHE), foli i pari kësaj ministrie, Blerand Stavileci. Ai njoftoi se gjatë hartimit të Projektligjit për Trepçën, ministria ka konsultuar ekspertë ligjor dhe të fushës përkatëse. Me këtë Projektligj, tha ai në vijim, është synuar që Trepçës t’i hapet rruga e zhvillimit të mirëfilltë ekonomik, si dhe të rregullohet statusi i saj, në harmoni edhe me Kushtetutën e vendit.