Kanë filluar punimet në dy projektet e fituara nga UNDP: Rregullimi i infrastrukturës se varrezave të qytetit dhe rregullimi i infrastrukturës në oborrin e Xhamisë së Lipjanit Mulla Sherif Ahmeti në Lipjan në vlerë prej afërsisht 120,000.00€, njofton Komuna e Lipjanit.
Këto dy projekte janë të një rëndësie të veçantë sepse gjendja aktuale si në oborrin e Xhamisë po ashtu edhe në varrezat e qytetit ka qenë jo e mirë.
Nën kujdesin dhe përkushtimin e Komunës së Lipjanit dhe bashkëpunimin e ngushtë me Bashkësinë Islame në Lipjan, Policinë e Kosovës dhe qytetarët lipjanas me implementimin e këtyre dy projekteve shumë të rëndësishme Lipjani do të ketë infrastrukturë moderne në Xhaminë dhe varrezat e qytetit.
Komuna e Lipjanit, po ashtu, ditëve të fundit ka përfunduar edhe asfaltimin e rrugës për të varrezat e qytetit.
Urojmë të gjithë qytetarët e Komunës së Lipjanit dhe Bashkësinë Islame t’i gëzojnë këto projekte.