Trajneri i Barcelonës, Luis Enrique, është duke u kritikuar për humbjen 4:3 nga Celta Vigo, kjo për faktin se ai vendosi të lë në bankën rezervë lojtarë si Andres Iniesta e Ivan Rakitic.

Por, mbrojtësi i katalunasve, Gerrard Pique, i cili u mundua të bëjë të pamundurën në këtë sfidë duke shënuar dy gola, kërkoi që të mos i adresohet faji trajnerit.

“Kjo humbje është një mësim dhe ne duhet të përmirësohemi”, tha fillimisht Pique.

“Mos e akuzoni trajnerin për luksin që kishte në stol. Ai është munduar që të hedhë formacionin më të mirë në fushë”, tha Pique pas ndeshjes, duke mbrojtur Enriquen. /Express/