Lionel Messi nuk ka mundur t’i ndihmojë skuadrës së tij Barcelonës në dy ndeshjet e fundit.

Edhe pse katalunasit arritën dy fitore, fillimisht në La Liga dhe pastaj në Ligën e Kampionëve, mungesa e tij vërehet në fushë.

Ka qenë mesfushori Sergio Busquets që ka deklaruar se Messi i mungon gjithmonë Barcelonës

“Neve gjithnjë do të na mungojë Messi. Kur fiton me kaq shumë vështirësi, e kupton edhe më shumë mungesën e tij”, deklaroi Busquets.

“E patëm të vështirë të gjenim hapësira, sepse ata mbrojtën në thellësi”,vazhdoi Busquets pas ndeshjes.

“Menduam se do të bënin presion, por jo. I ndryshuam gjërat në pjesën e dytë dhe më pas patëm më shumë vazhdimësi me mënyrën tonë të lojës”, tha mesfushori spanjoll. /Telegrafi/