Granit Xhaka ka qenë protagonist kryesor gjatë këtyre ditëve te skuadra e Arsenalit.
Mesfushori shqiptar ka shënuar gol fantastik në fitoren e skuadrës me rezultat 0-4 kundër Nothingham Forest në kuadër të Kupës së Ligës.
Reprezentuesi zviceran ka shprehur kënaqësinë me golat e realizuar në javën e fundit, transmeton Telegrafi.
“Ditë tjetër, edhe një ndeshje, edhe një gol. Një emocion tjetër”, ka shkruar 23-vjeçari në llogarinë personale në Instagram, teksa këtë e ka shoqëruar me videon e golit të shënuar kundër skuadrës së Pajtim Kasamit.
Kujtojmë se golin e parë për Gunners, Xhaka e realizoi gjatë fundjavës kundër Hulll Cityt në kuadër të Ligës Premier. /Telegrafi/
