Mund të duket e pazakonshme por në deklaratën e ministrisë së Jashtme të Serbisë për prezencën e zëvendëskryeministrit të parë njëherësh ministër i jashtëm i Serbisë, Ivica Daçiq, i cili është duke marrë pjesë në samitin e 17-të të Lëvizjes së të Painkuadruarve në Venezuelë thuhet se Kosova ka bërë më shumë për njohje.

“Kam shfrytëzuar këtë mundësi për tuëtakuar shumë ministra. Në vitet e kaluara situata ka qenë ndryshe, ishte rasti kur Serbia nuk mund të ishte pjesëmarrëse, sepse përfaqësuesit e Kosovës kishin qenë më të fuqishëm në lobim tek vende si Guyana dhe vendet tjera të Karaibeve” citohet të ketë thënë Daçiq, transmeton Klan Kosova.

Organizata e Lëvizjes së të Painkuadruarve ka qenë shumë aktive gjatë kohës së Luftës së Ftohtë ndërsa Jugosllavia ka pasur një rol kyç.