Blaise Matuidi kishte dëshirë të madhe të nënshkruante me Juventusin, po Paris Saint-Germaini e bllokoi transferimin – ka thënë Moussa Sissoko.

Kampioni i Serie A kërkoi shërbimet e 29-vjeçarit, i cili ishte i gatshëm ta pranonte ofertën, por transferimi nuk ndodh për shkak të vendimit të klubit të tij.

Sissoko ishte lidhur vet me një kalim te Bianconerët, por në fund u transferua te Tottenham Hotspur.

“Në Clairefontaine (fusha stërvitore e ekipit të Francës), isha vazhdimisht me të. Mund ta kuptoja se ai donte të largohej dhe donte një sfidë të re”.

“Juventusi interesohej për të, ishte diçka që e entuziazmonte. Mirëpo, fatkeqësisht, PSG ishte kundër largimit të tij”, ka treguar Sissoko. /Telegrafi/