EULEX-i nuk parasheh që Bllacën ta konsideroj as si dëshmitar edhe në proceset tjera me fillimin e proceseve gjyqësore pas themelimit të Gjykatës Speciale. Kështu të paktën kanë deklaruar për gazetën “Botapress” zyrtarë të misionit EULEX.

Katër vjet më parë e kishin këshilluar që të mos lëvizë shumë nga shtëpia dhe të mos jetë i pranishëm në media, megjithëse i kishin ofruar mbrojtje të afërt.

Zyrtarë të Misionit të EULEX-it një kohë të gjatë i kishin qëndruar pranë shtëpisë duke i ofruar siguri ish-agjentit të SHIK-ut, Nazim Bllacës, i cili në fund të vitit 2009, publikisht tregoi për vrasjet që i kishte kryer me urdhër të eprorëve të tij.

Bllaca, bashkë me grupin që ai e quante “skuadra e vrasjeve të SHIK-ut” kishte përmendur edhe emrin e deputetit Azem Syla, si lider i këtij grupi.

Një kohë të gjatë, në dy procese gjyqësore, Bllaca shërbeu për Misionin Ndërkombëtar për Sundim të Ligjit si dëshmitari bashkëpunues, procese këto që rezultuan me dënimin e një grupi bashkëpunëtorësh të Bllacës.

Kjo mbase i ndihmoj këtij të fundit që masa ndaj tij të jetë më e lehtë, pavarësisht se ai akuzohet për vrasjen e një personi.

Por, sot, edhe pse ndodhet duke vuajtur dënimin me burg, Bllaca nuk konsiderohet më si dëshmitar i mbrojtur për EULEX-in.

Madje, EULEX-i nuk parasheh që Bllacën ta konsideroj as si dëshmitar edhe në proceset tjera me fillimin e proceseve gjyqësore pas themelimit të Gjykatës Speciale.

Kështu të paktën kanë deklaruar për gazetën “Botapress” zyrtarë të misionit EULEX.

“Në lidhje me pyetjet e juaja, përgjigja është Jo për të dyja pyetjet”, kanë deklaruar zyrtarë të EULEX-it kur janë pyetur nga “Botapress” nëse Bllaca do të jetë dëshmitar i mbrojtur I EULEX-it dhe nëse do të shërbej edhe në proceset tjera pas formimit të Gjykatës Speciale për Kosovën. /botapress/