Superylli i Barcelonës, Lionel Messi, thotë se dëshiron të luajë për klubin e fëmijërisë, Newell’s Old Boys, para se ta mbyllë karrierën si futbollist.

Si 13 vjeçar, ai u largua nga klubi argjentinas për t’u bërë pastaj një nga futbollistët më të mirë në histori.

29-vjeçari në të kaluarën ka shprehur dëshirë që ta përfundojë karrierën në Kataluni, por duket se tash ka vendosur për Newell’s.

“Do të doja të kthehem. Është diçka për të cilën kam menduar, sepse ishte ëndrra ime fëmijërore. Padyshim se jeta ime ndryshoi dhe shkoi në një drejtim tjetër, por nuk pendohem”.

“Dua të luaj në futbollin argjentinas dhe për Newell’s, ku u rrita”, ka theksuar Messi. /Telegrafi/