Ish-ushtari i UÇK’së, Muhamet Kuka, që la Amerikën për t’iu bashkuar luftës për liri, ka vite që kërkon shërim për vajzën e tij.
Ai tash e dy ditë bredh oborreve të QKUK-së, nga ku kërkon shërim për vajzën e tij, Pranverën, por siç i kanë thënë mjekët, atë duhet kërkuar vetëm jashtë vendit, raporton KTV.

Si i papunë që është prej 15 vjetësh, thotë se, gjendet në hall të madh, ngase nuk mund t’i sigurojë mjetet për shërimin e vajzës.

Kuka thekson se shokët e luftës që tani mbajnë veshur petkun e pushtetarëve, nuk ia hapin as telefonin kur kërkon ndihmën e tyre.

Trajtimi adekuat i vajzës që vuan nga epilepsia, Kuka thotë se mund të bëhet në Tiranë, por as këtë nuk mund ta realizojë pa ndihmë.