Ministri i Punëve të Jashtme të Serbisë Ivica Daçiq, do të marrë pjesë në mbledhjen e këshillit të Sigurimit të Kombeve të Bashkuara që do të mbahet me 25 gusht në New York.

Këshilli do të mblidhet për të diskutuar raportin e  rregull të punës së UNMIK-ut në Kosovë, për periudhën në mes 16 prillit dhe 1 qershorit, transmeton Klan Kosova.

Daçiq do të japë vlerësimin e tij për raportin dhe do t’i paraqesë qëndrimet e Serbisë për situatën në Kosovë dhe po ashtu për punën e UNMIK-ut, raporton Tanjug, duke cituar një komunikatë të Ministrisë së Punëve të Jashtme të Serbisë.