Linjat telefonike vazhdimisht të zëna dhe herë pas here të bllokuara dëshmojnë ankesat e banorëve të Hasanbegut, të cilët nuk arrijnë të lidhen me numrat e Ministrisë së Financave ku duhet t’i japin xhirollogaritë e tyre për të marrë kompensimet e para. Banorët shprehen të revoltuar dhe dyshojnë se po manipulohen nga shteti, raporton Alsat.

“Kanë dhënë katër-pesë numra, asnjë numër nuk funksionon, katër numra mbi 30 herë i kemi kërku, ky është nji manipulim shumë i madhë. Janë duke na mashtru me një fjalë. Cingron telefoni edhe e ndalin, diku nuk cingëron aspak. Sot është afati i fundit, njerëzit janë në panik nuk dinë çfarë të bëjnë, nuk kemi asnjë informatë, nuk dimë ku të orientohemi, veç po shëtitemi andej këndej”.

“Jam lajmëru disa herë po askush nuk e hap. Sa herë keni kërku? Pothuajse tërë ditën, por askush nuk lahmërohet”.

Edhe Alsat-M nuk arriti dot të lidhet me numrat e Ministrisë së Financave për të kuptuar nëse ky institucion do të shtyj afatin për paraqitjen e të dhënave të banorëve të prekur nga përmbytjet./Alsat/