Policia australiane për agjencinë e lajmeve Meta ka konfirmuar se javën e kaluar në Melburn është arrestuar dhe është marrë në pyetje peshkopi kompetent i Australisë dhe Zelandës së Re, Petar, nën hetim për vjedhje dhe dëshmi të rreme, transmeton Telegrafi Maqedoni.
“Policia në Viktorija ka arrestuar dhe ka marrë në pyetje 70-vjeçarin nga Caroline Springs nën hetim për vjedhje dhe dëshmi të rreme. Ai është liruar dhe është në pritje të vazhdimit të hetimit, tha policia në Victoria”, duke u përgjigjur në pyetjen e Meta, nëse peshkopi Petar është arrestuar dhe për çfarë arsye.
Petar, javën e kaluar mohoi se policia e ka arrestuar në Melburn, duke thënë se ai ishte në pyetje me ftesë paraprake. Ai vuri në dukje se lajmi i arrestimit të tij ishte një gënjeshtër dhe konstruksioni pas të cilit qëndron kreu Naum dhe kryemurgi Gavrill kundër të cilit është ngritur procedurë për shkarkim.
