Aston Villa ka vepruar në kohë për të transferuar Tom Cleverleyn në formë huazimi nga Manchester Unitedi.

Mesfushori anglez u kërkua nga disa klube në momentet e fundit të afatit kalimtar, ndërsa ekipi i Paul Lambert ka arritur të sigurojë nënshkrimin e tij.

25-vjeçari bëri 31 paraqitje në të gjitha garat për Unitedin në sezonin e kaluar, mirëpo këtë edicion ai konsiderohej tepricë.

Cleverley u nxor në listën e transferimeve nga Louis van Gaal, i cili përforcoi mesfushën qendrore me Ander Herrera dhe të shkathin Daley Blind.

Aston Villa ka konfirmuar të martën se në sezonin 2014/2015, anglezi do të luajë te kjo skuadër. /Telegrafi/