Daley Blind thotë se ai i është bashkuar klubit më të madh në botë, pasi kompletoi transferimin e tij te Manchester United për 18 milionë euro.
“Është nder të nënshkruaj për United. Mezi pres të punoj me Louis van Gaal në klubin më të madh në botë”, ka thënë Blind, i cili ka nënshkruar kontratë katërvjeçare me klubin, me mundësi vazhdimi edhe për një tjetër.
Blind ishte pjesë e skuadrës së Louis van Gaal që shkëlqeu në Botërorin e kësaj vere dhe është djali i ish-mbrojtësit holandez Danny Blind.
Ai është përforcimi i pestë i verës. Van Gaal tashmë ka nënshkruar me Angel Di Maria, Luke Shaw, Ander Herrera dhe Marcos Rojo për një shumë rreth 133 milionë funte. /Telegrafi/
