Kryeministri Isa Mustafa ka thënë se sulmi në shtëpinë e kryetarit të Komisionit qeveritar për caktimin e vijës kufitare të Kosovës me Malin e Zi, Murat Meha është i papranueshëm.

“E dënojmë këtë akt dhe e konsiderojmë të papranueshëm”, ka thënë Mustafa.

Ai ka shtuar se akte të tilla në bëjnë edhe më të vendosur që procese të tilla t’i shtyjmë përpara.

“Ky akt tregon më së mirë se më kënd kemi të bëjmë, me njerëz që nuk punojnë për të mirën e Kosovës”, tha kryeministri./Telegrafi/