Kancelaria gjermane, Angela Merkel, ka thënë sot se terroristët duan ta zbehin gatishmërinë e Gjermanisë për të pranuar refugjatë, por se qeveria gjermane është kundër kësaj.

Komentet e saj vijnë pas një vale sulmesh në kohët e fundit në jug të vendit, shkruan Reuters, përcjell Express.

“Terroristët duan që ne të humbim përqendrimin nga ajo çfarë është e rëndësishme për ne, duan që ta thyejnë kohezionin tanë dhe ndjesinë e komunitetit, si dhe të pengojnë mënyrën tonë të jetesës, gatishmërinë tonë për të pranuar njerëz të cilët kanë nevojë,” tha ajo gjatë një konference për media për të cilën ajo i ka ndërprerë pushimet verore.