Këshilli Penal i Gjykatës së Shkupit vendosi sot që kryetari i Manastirit Vlladimir Taleski të mbetet edhe 30 ditët e ardhshme në arrest shtëpiak.

Nga gjykata thanë se vendimi është marrë pas kërkesës së Prokurorisë Speciale Publike, e cila heton rastet e dala nga përgjimet e bisedave telefonike në Maqedoni. Taleski akuzohet për rastin ‘Transporter’ për keqpërdorimin e tenderit të transportit të nxënësve të shkollës në Komunën e Manastirit. Ai dhe 22 persona tjerë dyshohen për keqpërdorim të 360 mijë eurove./GazetaExpress/