Skuadrat kosovare të hendbollit kanë mësuar kundërshtarët e tyre në garat evropiane, pas shortit të hedhur sot në Vjenë.
Kastrioti i Ferizajt në konkurrencën e meshkujve, është kualifikuar në rrethin e tretë të Challenge Cup, ku do të ndeshjet me sllovakët e HKM Sala, shkruan ‘GazetaOlle.com’.
Takimi i parë luhet në Ferizaj, ndërsa i kthimit në Sllovaki.
Shqiponjat e Gjakovës në konkurrencën e femrave, takohen me Maccabi Arazim të Izraelit, në Challenge Cup. Takimi i parë luhet në Izrael.
Kampionet e Kosovës për femra, Prishtina do të ndeshen me zviceranet e Spono Eagles, në kuadër të EHF Cup. Takimi i parë luhet në Zvicër.
Kampioni i Kosovës për meshkujt, Besa Famiglia, do të takohet në EHF Cup me Dukla Praha të Republikës së Çekisë.
