Nënkryetari i AAK-së, Ardian Gjini, në Interaktiv të KTV-së thotë se gjyqtarët e Gjykatës Kushtetuese janë afër fundërrinave.

“Është fyer demokracia, kushtetueshmëria, janë fyer deputetët e Kosovës”, tha ai përkitazi me vendimin për emërimin e kryetarit të Kuvendit. “Kështu si kanë vepruar, hajt po e zëmë se është një parti fiton në zgjedhje, që kërkon bashkim me Serbinë. Kështu Kushtetuesja do të na thoshte: duroni, ata kanë të drejtë. A duhet me mbyll na gojën”?
Sipas tij, PDK është parti kleptokrate e gjyqtarët e Gjykatës Kushtetuese janë turpi i Kosovës.

“Kur këta i heqin maskat, shndërrohen në fundërrina”, thotë Gjini. “Kam votu për ata, e kam lobu, e nuk kam besu që vi në këtë ditë. Munden me më paditë, po nuk ma nien hiq. Ata janë afër për me qenë fundërrina”. /Telegrafi/