Një i panjohur, dje në në periudhën kohore nga 15:00 deri në 15:30 është përpjekur ta mbytë 64 vjeçaren Z.B. nga Gjevgjelia, transmeton Telegrafi Maqedoni.

PlusInfo raporton se ngjarja ka ndodhur në kishën “Shën Kirili dhe Metodi” në Gjevgjeli, kur abuzuesi, me perin e këpucëve është përpjekur ta mbytë gruan, dhe pas dështimit, ka filluar ta godasë me grushta në kokë dhe më pas ka ikur.

Gjatë dhënies së ndihmës mjekësore, është konstatuar se gruaja ka pësuar gjakderdhje në tru. Ajo është transferuar nga spitali i Gjevgjelisë në Qendrën Emergjente në Shkup.

Policia ka marrë masa për të gjetur personin dhe zgjidhjen e rastit