Antonie Griezmann ka thënë se gara për Topin e Artë ka marrë fund

Sulmuesi francez, Antonie Griezmann, ka hequr dorë përfundimisht nga Topi i Artë pas humbjes së Francës nga Portugalia në finale të Euro 2016.

Të shumtë ishin ata që mendonin se Griezmann mund ta fitojë Topin e Artë nëse Franca shpallet Kampione e Evropës, por dështuan ndaj portugezëve.

Se gara për Topin e Artë ka marrë fund, e ka pranuar edhe sulmuesi i Atletico Madridit – duke thënë haptazi se ky trofe do të shkojë në duar të Cristiano Ronaldos.

“Topi i Artë? Gara për Topin e Artë ka marrë fund. Cristiano Ronaldo fitoi dy kompeticionet madhore të këtij sezoni”, ka thënë Griezmann.

Ronaldo u shpall kampion i Evropës në Champions League me Real Madridin derisa tani u shpall kampione e Evropës dhe me Portugalinë – duke u bërë kështu kandidati më serioz për Topin e Artë. /Express/