Pavarësisht përkeqësimit të situatës së sigurisë dhe sulmet e shpeshta terroriste në Turqi, qytetarët e Maqedonisë nuk janë duke hequr dorë nga destinacioni më i kërkuar turistik në Antalia, informojnë nga agjencia e udhëtimit në Maqedoni, transmeton Telegrafi Maqedoni.

‘Në Antali nuk ka pasur sulme terroriste, turistët nuk kanë frikë dhe nuk heqin dorë nga rezervimet. Ka fluturime të përditshme në numër. Qytetarët i përdorin çmimet e ulëta në hotele sepse nuk ka turistë nga Rusia, për shkak të kostos së marrëveshjeve që është reduktuar, – thotë pronari i agjencisë së udhëtimit “Fibula”, Asim Mezhedoviq.

Destinacioni më i vizituar turistik është Greqia. Për arsye sigurie, agjencitë nuk ofrojnë marrëveshje për Tuniz, Hurghada, Sharm El Sheikh, si dhe Sicili dhe Sardenjë, të cilat, për shkak të fluksit të turistëve rusë, është shumë shtrenjtë për standardin e vendit tonë.