Duket se përparimi i futbollit shqiptar dhe mbarë kombit sidomos në muajt e fundit ka penguar dikë.

Një lexues i Telegrafit nga Kosova që ka qëndruar në Slloveni mbrëmjen e kaluar me miq, ka treguar një ngjarje jo të mirë që i ka ndodhur atij.

Në veturën me targa të Kosovës, lexuesi i cili shikoi ndeshjen Gjermani – Itali me miq, pasu u kthye te vetura e tij, gjeti një fletushkë propagandistike, shkruan Telegrafi.

Në fletushkë thuhet “UEFA përkrah terrorizmin” dhe në fletushkën Kuq e Zi ngjyrat simbolike të shqiptarëve, krahas flamurit gjendet edhe flamuri i ISIS-it.

Kjo ngjarje ka tronditur kosovarët, por është tjetër ndikim se shumë kujt nuk i ka pëlqyer performanca e Shqipërisë në Euro 2016 aq sa e krahasojnë kombin tonë me ISIS-in.

Ende nuk dihen autorët e këtij veprimi. /Telegrafi/