Sulmuesi italian, Graziano Pelle, është ndër më të kritikuarit pas eliminimit nga Evropiani, për shkak të penalltisë së humbur kundër Gjermanisë.
Por, sulmuesi i Southamptonit e ka falenderuar gjithë kombin italian për mbështetjen e dhënë në këtë rurne.
“Përkundër epilogut pikëllues, gjithmonë do të mbaj në zemër kujtime fantastike të një grupi me 23 luanë”.
“Nga dita e parë e stërvitjes deri te kjo ne kemi ndihmuar njëri-tjetrin në të mirë e në të keq”.
“Fatkeqësisht futbolli është përplot me momente të paharruara dhe ka tjera që duhet të harrohen, por mbetet loja më e bukur në botë. Unë e dua futbollin”.
“Faleminderit gjithë kombit që na ka përkrahur deri në frymën e fundit. Jam krenar që jam italian”, u shpreh Pelle, transmeton Telegrafi.
