Sipas medieve turke, tre sulmuesit vetëvrasës që të martën mbrëma kryen sulm terrorist në aeroportin Ataturk në Stamboll, kishin planifikuar t’i mbajnë si peng udhëtarët.

Sulmi në aeroportin Ataturk, konsiderohet si sulmi më vdekjeprurës që ka ndodhur gjatë këtij viti në Turqi, ku mbetën të vrarë 44 persona, transmeton Telegrafi.

Sipas të përditshmes turke “Sabah”, sulmuesit vetëvrasës kishin planifikuar të kapin dhjetëra udhëtarë dhe t’i mbajnë peng para masakrës, por pasi që nuk kishte shkuar siç e kishin planifikuar ata hodhën veten në erë.

“Sabah”, gjithashtu shkruan se sulmuesit kishin veshur “pallto edhe përkundër temperaturave të larta që po mbizotërojnë në Turqi, me qëllim që të fshihnin jelekët e mbushur me eksploziv, që ia tërhoqën vemjen autoriteteve. /Telegrafi/